Hollenski knattspyrnustjórinn Arne Slot hjá Liverpool er töluvert rólegri en forveri sinn Jürgen Klopp.
Liverpool hefur farið vel af stað undir stjórn Slots og unnið báða leiki sína í ensku úrvalsdeildinni í fótbolta án þess að fá á sig mark. Liðið vann Ipswich í fyrstu umferðinni, 2:0, og Brentford með sömu markatölu um liðna helgi.
Luis Díaz og Mo Salah gerðu mörk Liverpool gegn Brentford og eins og sjá má á meðfylgjandi myndskeiði var Slot fremur rólegur á hliðarlínunni, ólíkt Klopp sem var vægast sagt líflegur og fagnaði mörkum af mikilli ákefð.
Mbl.is færir ykkur efni úr enska boltanum í samvinnu við Símann Sport.