Gríðarlegt áfall fyrir Manchester City

Rodri, miðjumaður enska knattspyrnufélagsins Manchester City, er með slitið krossband og leikur ekki meira með Englandsmeisturunum á tímabilinu.

Það er spænski miðillinn Marca sem greinir frá þessu en Rodri, sem er 28 ára gamall, fór meiddur af velli í 2:2-jafntefli liðsins gegn Arsenal í stórleik 5. umferðar ensku úrvalsdeildarinnar í Manchester á sunnudaginn.

Frétt af mbl.is

Dramatískt jafntefli í Manchester (myndskeið)

Rodri meiddist á hné á 21. mínútu og fór strax af velli en hann hefur verið lykilmaður í liði City, undanfarin ár, og liðið hefur tapað flestum stigum á undanförnum árum þegar Rodri hefur verið fjarverandi.

Manchester City á ennþá eftir að staðfesta tíðindin en liðið trónir á toppi deildarinnar með 13 stig eftir fyrstu fimm umferðirnar.

Rodri gekk til liðs við Manchester City frá Atlético Madrid, sumarið 2019 fyrir 63 milljónir punda, og á að baki 260 leki fyrir félagið þar sem hann hefur skorað 26 mörk. Hann hefur fjórum sinnum orðið Englandsmeistari með City, einu sinni Evrópumeistari og einu sinni bikarmeistari.

• Blogga um frétt