Íþróttir | Enski boltinn | mbl | 5.10.2024 | 15:58

Arsenal of stór biti fyrir nýliðana

Arsenal mætir taplaust til leiks gegn Southampton í dag.
Arsenal mætir taplaust til leiks gegn Southampton í dag. AFP/Paul Ellis

Arsenal vann verðskuldaðan sigur gegn nýliðum Southampton, 3:1, í ensku úrvalsdeildinni í Norður-Lundúnum í dag. 

Úrslitin þýða að Arsenal situr áfram í þriðja sæti með 17 stig. Southampton er í 19. sæti með eitt stig. 

Fyrri hálfleikurinn var algjör einstefna. Arsenal-menn ógnuðu af miklum krafti og pressuðu Southampton stíft sem varla komst af sínum eigin vallarhelmingi. 

Arsenal skapaði þó engin alvöru færi í fyrri hálfleik enda voru gestirnir þéttir fyrir.

Raheem Sterling fékk besta færi fyrri hálfleiksins eftir góða skyndisókn. Kai Havertz fann Sterling í teignum sem átti skot en Jan Bednarek kom í veg fyrir skotið með hausnum sínum á hetjulegan hátt. 

Markalaust í hálfleik eftir mikla yfirburði Arsenal-manna.   

Southampton komst óvænt yfir á 55. mínútu. Mateus Fernandes kom með góðan sendingu inn fyrir á Cameron Archer, sem rakti boltann að markinu og skoraði með hnitmiðuðu skoti í fjærhornið. 

Arsenal var ekki lengi að jafna metin en á 58. mínútu skoraði Kai Havertz. Bukayo Saka vann boltann ofarlega á vellinum, gaf boltann á Havertz sem skoraði með góðu skoti, stöngin inn. 

Á 68. mínútu tók Arsenal forystuna eftir mark frá varamanninum Gabriel Martinelli. Það kom eftir stórkostlega sendingu frá Bukayo Saka á Martinelli á fjærstönginni sem skoraði af stuttu færi. 

Southampton var í tvígang nálægt því að jafna metin en báðar tilraunir enduðu í tréverkinu. Tyler Dibling átti gott skot af löngu færi sem fór af varnarmanni og þaðan í stöngina. Í hornspyrnunni sem fylgdi eftir skallaði Taylor Harwood-Bellis í David Raya og þaðan í þverslána.

Bukayo Saka innsiglaði sigur Arsenal á 88. mínútu með marki. Leandro Trossard missti boltann frá sér og fór boltinn af Yukinari Sugawara beint fyrir fætur Saka sem skoraði af öryggi.  

Mörkin urðu ekki fleiri og lokaniðurstöður 3:1-sigur Arsenal-manna. 

Lýsing uppfærist sjálfkrafa

Allar lýsingar í beinni

Aðrir virkir leikir

Crystal Palace 0:1 Liverpool opna
90. mín. Leik lokið Heldur betur torsóttur sigur Liverpool sem styrkir stöðu sína á toppnum!
Þór/KA 0:1 Víkingur R. opna
90. mín. Margrét Árnadóttir (Þór/KA) fær gult spjald Fyrir mótmæli.
FH 0:3 Þróttur R. opna
90. mín. Leik lokið
Fram 2:4 Vestri opna
90. mín. Jeppe Gertsen (Vestri) fær gult spjald +5.
Valur 0:0 Breiðablik opna
45. mín. Hálfleikur Markalaust í hálfleik. Ekki mikið um opin færi. Klassískur úrslitaleikur, mikið undir og liðin nokkuð varklár.

Leiklýsing

Arsenal 3:1 Southampton opna loka
90. mín. Yukinari Sugawara (Southampton) fer af velli
mbl.is
Fleira áhugavert
Tveir skjálftar í Bárðarbungu „Við erum bara ekki nógu mörg“ Ekki dæmigerð dönsk kona „Afar skemmtilegt verkefni“
Fleira áhugavert
„Hér eru tveir flugvellir“ „Ömurlegt“ að rifja manndrápið upp Ævisaga Geirs H. Haarde að koma út Höfum tekið á móti of mörgum flóttamönnum
Loka