Stuðningsmenn Liverpool virðast almennt glaðir með rauða spjaldið sem fyrirliðinn þeirra Virgil van Dijk fékk með hollenska landsliðinu gegn því ungverska í Þjóðadeildinni í gærkvöldi.
Van Dijk fékk sitt annað gula spjald á 79. mínútu og er því í banni gegn Þýskalandi á útivelli á mánudag.
Fær hann því rúma viku til að hvíla sig fyrir leik Liverpool og Chelsea í ensku úrvalsdeildinni á sunnudaginn kemur.
Margir stuðningsmenn Liverpool lýstu yfir ánægju með rauða spjaldið á samfélagsmiðlinum X. Hér fyrir neðan má sjá nokkur dæmi.
@LFC_Lucas_ : „Þetta var taktískt hjá Van Dijk og nú fær hann viku til að hvíla sig fyrir leikinn gegn Chelsea. Við elskum þennan leik!“
@RufflesMoneyXx: „Frábærar fréttir að Van Dijk hafi fengið rautt spjald. Hann missir af leiknum við Þýskaland, helst heill og í góðu standi fyrir leikinn gegn Chelsea á Sunnudag.“
@Kennyllorente: „Van Dijk fékk rautt spjald. Frábært kvöld. Nú fær hann hvíld þessa helgi og fram að næstu viku. Guð er góður.“
@Tweets_by_Sayan „Van Dijk fékk rautt. Ég er ánægður með að hann fái hvíld.“