Ítalinn Vincenzio Montella er nýjasti maðurinn til að vera orðaður við Manchester United.
Hollendingurinn Erik ten Hag, knattspyrnustjóri karlaliðs United, er undir mikilli pressu eftir afleita byrjun á tímabilinu en United-liðið er í 14. sæti ensku úrvalsdeildarinnar.
Tyrkneskir miðlar greina nú frá því að Montella sé kominn á óskalista United yfir mögulega arftaka ten Hags.
Montella er landsliðsþjálfari Tyrklands en undir hans stjórn hefur tyrkneska liðið orðið með sterkari liðum Evrópu.
Tyrkland vann einmitt Ísland, 4:2, á Laugardalsvelli í B-deild Þjóðadeildarinnar síðastliðið mánudagskvöld.