„Neymar“ fær tækifæri í byrjunarliði Tottenham

Hinn 17 ára gamli Mikey Moore er í fyrsta sinn í byrjunarliði Tottenham í ensku úrvalsdeildinni eftir flotta frammistöðu með liðinu í Evrópudeildinni.

Moore var í byrjunarliði Tottenham í 1:0-sigri liðsins gegn AZ Alkmaar á fimmtudaginn og spilaði 87 mínútur.

James Maddison sagði í viðtali eftir sigurinn að frá 45. mínútu til 65. mínútu leiksins var eins og brasilíski Neymar væri á kantinum hjá Tottenham.

Moore er í byrjunarliði Tottenham sem mætir Crystal Palace klukkan 14.00 í dag. Heung-Min Son er vanalega í hans stöðu en hann er meiddur.

• Blogga um frétt