„Fyrir mér er þetta vanvirðing“

Carlos Corberán, knattspyrnustjóri West Bromwich Albion, gefur lítið fyrir orðróm sem lýtur að því að hann verði næsti knattspyrnustjóri Southampton.

Southampton rak Russell Martin úr starfi knattspyrnustjóra á sunnudag eftir skelfilega byrjun á tímabilinu, þar sem liðið er með einungis fimm stig á botni ensku úrvalsdeildarinnar.

„Fyrir mér er þetta vanvirðing í garð þessa frábæra félags og okkar stórkostlegu stuðningsmanna, að vera að tala um eitthvað sem tengist ekki West Bromwich Albion.

Stundum líður mér eins og ef það er klippt á mig að segja: „Ég einbeiti mér einungis að leiknum.“ Og tala ekki um neitt annað þá gæti það vakið upp vangaveltur,“ sagði Corberán í samtali við breska ríkisútvarpið.

• Blogga um frétt