Forráðamenn Real Madrid búnir að gefast upp

Forráðamenn knattspyrnuliðs Real Madrid á Spáni eru búnir að gefa upp alla von um að félagið nái að landa enska bakverðinum Trent Alexander-Arnold í janúarglugganum.

Það er The Mirror sem greinir frá þessu en Alexander-Arnold, sem er 26 ára gamall, hefur verið sterklega orðaður við Spánar- og Evrópumeistarana undanfarnar vikur.

Frétt af mbl.is

Gat ekki staðfest hvort Alexander-Arnold klári tímabilið með Liverpool

Alexander-Arnold verður samningslaus næsta sumar og getur þá yfirgefið Liverpool á frjálsri sölu en Madrídingar hafa enn þá mikinn áhuga á leikmanninum.

Í frétt The Mirror kemur fram að Real Madrid hafi lagt fram 20 milljóna punda tilboð í bakvörðinn á dögunum en því tilboði var hafnað.

Forráðamenn Liverpool vinna hörðum höndum að því að semja við bakvörðinn á meðan forráðamenn Real Madrid vonast til þess að Alexander-Arnold gangi til liðs við félagið næsta sumar.

• Blogga um frétt