City upp fyrir Chelsea
Jökull Þorkelsson
Setja bókamerki
Manchester City hafði betur gegn Chelsea, 3:1, í stórleik 23. umferðar ensku úrvalsdeildar karla í knattspyrnu í Manchester í kvöld.
Manchester City er nú komið fyrir ofan Chelsea og í fjórða sæti deildarinnar með 41 stig en Chelsea er nú í 6. sæti með 40 stig.
Chelsea-menn fengu draumabyrjun í Manchester en á þriðju mínútu leiksins kom Noni Madueke liðinu yfir.
Þá átti nýi varnarmaður City Abdukodir Khusanov hörmulega skallasendingu til baka á markvörðinn Ederson. Nicolas Jackson komst í boltann og náði að framlengja honum á Madueke sem potaði boltanum í autt markið, 0:1.
Chelsea-menn ógnuðu næstu tíu mínúturnar en eftir það tók City yfir leikinn.
Varnarmaðurinn Josko Gvardiol jafnaði metin fyrir City-menn á 42. mínútu þegar hann fylgdi á efir skoti Matheus Nunes, 1:1.
Erling Haaland kom City síðan yfir á 68. mínútu. Þá fékk hann langa sendingu frá Ederson og var einn gegn Trevoh Chalobah.
Færið var ekkert sérlega gott en Robert Sánchez markvörður Chelsea kom allt of langt út úr markinu sem gerði Haaland kleift að lyfta boltanum yfir hann og skora með glæsibrag, 2:1.
Phil Foden innsiglaði sigur Manchester City á 87. mínútu með marki í skyndisókn eftir sendingu í gegn frá Haaland, 3:1.
Manchester City heimsækir Arsenal í næstu umferð en Chelsea fær West Ham í heimsókn.
| Man. City | 3:1 | Chelsea |
|
|---|---|---|---|
| Fimm mínútum bætt við leikinn. | |||
Kallar eftir algjörri breytingu á heilbrigðiskerfinu
„Það þarf einhverja viðhorfsbreytingu“
Jóvin veldur usla: Mesti vindhraði í sögu landsins
„Við viljum ekki missa unga fólkið okkar þangað“
Með þeim stærri sem hafa mælst
Tillögu um styttri kjarasamning ekki svarað
Kennarar hafi lagt fram sömu tillögu í breyttri mynd
Sviptur leyfi eftir hundamisnotkun