Hefði valið 63 ára markvarðaþjálfara fram yfir Rashford
Setja bókamerki
Ruben Amorim, knattspyrnustjóri Manchester United, var harðorður í garð Marcusar Rashfords eftir sigur liðsins gegn Fulham í 23. umferð ensku úrvalsdeildarinnar í Lundúnum í gær.
Leiknum lauk með naumum sigri United, 1:0, en Rashford var utan hóps hjá United líkt og venjan hefur verið allt frá því að Amorim tók við stjórnartaumunum hjá félaginu í nóvember á síðasta ári.
Amorim var spurður út í fjarveru Rashfords en hann hefur verið sterklega orðaður við brottför frá félaginu undanfarnar vikur.
Gildir um alla leikmenn
„Ef ekkert breytist þá mun ég ekki breytast heldur,“ sagði Amorim á fjölmiðlafundi eftir leikinn þegar hann var spurður út í fjarveru Rashfords.
„Þetta gildir um alla leikmenn liðsins. Ef allir gera sitt og leggja sig fram, alla daga á æfingasvæðinu, þá eiga allir leikmenn jafn mikla möguleika á því að spila.
Ég myndi frekar velja Jorge Vital [markvarðaþjálfara liðsins] í liðið, frekar en leikmann sem gefur sig ekki allan í þetta,“ bætti Amorim við en Vital er 63 ára gamall Portúgali.
Áfram verður leitað að loðnunni
Landsbankinn segir að skoða þurfi málið nánar
Lýsa stuðningi við Grænland
NATO og ESB þegja þunnu hljóði
Ræna fólki og neyða í herþjónustu
Hrossatað losað við Úlfarsfell