Í fyrsta sinn í sögunni hjá Liverpool

Byrjunarliðið sem Arne Slot, knattspyrnustjóri Liverpool, hefur valið fyrir grannaslag gegn Everton í ensku úrvalsdeildinni í kvöld er sögulegt þar sem ekki einn einasti Englendingur er í því.

Er það í fyrsta sinn í 132 og hálfs árs sögu félagsins sem karlaliðið er ekki með Englending í byrjunarliðinu í leik í efstu deild.

Frétt af mbl.is

Everton jafnaði í blálokin gegn Liverpool

Michael Reid, tölfræðisérfræðingur hjá tölfræðisíðunni OptaJoe, vekur athygli á þessu á X-aðgangi sínum í kvöld.

Þá hafa aldrei verið færri uppaldir leikmenn í leikmannahópum beggja liða í Liverpool grannaslagnum.

Þeir eru aðeins þrír, enginn hjá Everton og þrír hjá Liverpool; Trent Alexander-Arnold, Curtis Jones og Jarell Quansah sem eru allir á varamannabekk gestanna.

• Blogga um frétt