Arne Slot mátti ekki ræða við fjölmiðla
Setja bókamerki
Arne Slot, knattspyrnustjóri Liverpool, mátti ekki ræða við fjölmiðla eftir jafntefli liðsins gegn Everton í frestuðum leik úr 15. umferð ensku úrvalsdeildarinnar sem fram fór á Goodison Park í Liverpool í gær.
Leiknum lauk með 2:2-jafntefli en James Tarkowski skoraði jöfnunarmark Everton þegar átta mínútur voru liðnar af uppgefnum uppbótartíma síðari hálfleiks.
Slot var mjög ósáttur með Michael Oliver, dómara leiksins, í gær og lét hann heyra það í leikslok með þeim afleiðingum að hann fékk að líta rauða spjaldið.
Reglur ensku úrvalsdeildarinnar kveða á um að ef leikmaður, þjálfari eða knattspyrnustjóri fær að líta rauða spjaldið í leikjum deildarinnar má hann ekki mæta í viðtöl eftir leikinn.
Spike Hulshoff, aðstoðarþjálfari Liverpool, fékk einnig að líta rauða spjaldið eftir að flautað hafði verið til leiksloka og því mætti enginn úr þjálfarateymi liðsins á blaðamannafund í leikslok.
Bíl ekið á hóp fólks
Starfsemi flugvallarins raskað vegna framkvæmda
Hildur óvænt skipuð varaforseti
Diljá, Jens Garðar og Jón hugsa málið
Brotnaði niður eftir 40 ár í löggunni
Sjálfstæðisflokkurinn missir þingflokksherbergið
Lokað á reikninga Íslendinga