Spánverjinn hetja Arsenal
Setja bókamerki
Arsenal hafði betur gegn Leicester, 2:0, á útivelli í ensku úrvalsdeildinni í fótbolta í dag. Arsenal er í öðru sæti með 53 stig, fjórum stigum á eftir toppliði Liverpool. Leicester er í 18. sæti með 17 stig, tveimur stigum frá öruggu sæti.
Fyrri hálfleikur var mjög bragðdaufur og gekk illa hjá báðum liðum að skapa sér færi. Wilfred Ndidi hjá Leicester komst næst því að skora en hann skallaði framhjá úr góðri stöðu í teignum í uppbótartíma.
Seinni hálfleikurinn var skemmtilegri og Ethan Nwaneri skaut í slá á 61. mínútu og í stöng á 76. mínútu.
Það var hins vegar spænski varamaðurinn Mikel Merino sem kom Arsenal yfir á 81. mínútu þegar hann skallaði í netið af stuttu færi eftir sendingu frá Nwaneri.
Hann var svo aftur á ferðinni sex mínútum síðar er hann lagði boltann í netið af stuttu færi í fjærstönginni eftir fyrirgjöf frá Leandro Trossard og þar við sat.
| Leicester | 0:2 | Arsenal |
|
|---|---|---|---|
| Það verða fjórar mínútur í uppbótartíma. | |||
Orð Ingu Sæland stangast á við gögn
Kraumandi hverir og naðurtunga
Gjöld á íbúð alls 5,5 milljónir
„Að sjálfsögðu er alvara með tilboðinu“
Bjartsýni og blús og gleðileg jól hjá Ingu
Íslenskur læknir situr uppi með tvær eiginkonur
Grænt ljós á samruna kæmi „verulega á óvart“
Átján slasaðir eftir að þotan hafnaði á hvolfi