Hótar starfsfólki United með uppsögnum

Sir Jim Ratcliffe, einn af eigendum enska knattspyrnufélagsins Manchester United, hefur hótað starfsfólki félagsins uppsögnum ef það hættir ekki að leka viðkvæmum upplýsingum í fjölmiðla.

Það er breski miðillin Telegraph sem greinir frá þessu en Ratcliffe kom inn í eigandahóp félagsins síðasta sumar og sér um daglegan rekstur þess núna.

Frétt af mbl.is

Ratcliffe þekkti ekki fyrirliða Manchester United

Auðkýfingurinn hefur verið duglegur að segja upp starfsfólki síðan hann keypti sig inn í félagið en gengið innan vallar hefur verið dapurt síðan Ratcliffe tók við daglega rekstrinum.

Erik ten Hag var látinn taka pokann sinn í október og var Ruben Amorim ráðinn í hans stað í nóvember.

Þjálfaraskiptin hafa ekki skilað tilsettum árangri en United er sem stendur í fimmtánda sæti úrvalsdeildarinnar með 29 stig, 12 stigum frá fallsæti.

• Blogga um frétt