Sjö marka leikur í Newcastle

Newcastle vann Nottingham Forest, 4:3, í hörkuleik í 26. umferð ensku úrvalsdeildar karla í knattspyrnu í Newcastle dag. 

Eftir leikinn er Newcastle komið í fimmta sætið með 44 stig en Nottingham Forest er í þriðja sæti með 47 stig. 

Callum Huson-Odoi kom Forest yfir á 6. mínútu en eftir það skoraði Newcastle fjögur mörk í fyrri hálfleik. 

Lewis Miley jafnaði metin á 23. mínútu og Jacob Murphy kom Newcastle yfir tveimur mínútum síðar, 2:1. 

Alexander Isak bætti síðan við tveimur mörkum fyrir hálfleikinn, 4:1. 

Nikola Milenkovic minnkaði muninn fyrir Forest í 4:2 og Ryan Yates síðan í 4:3 undir blálok leiks, en nær komust gestirnir ekki. 

• Blogga um frétt