Chelsea flaug í fjórða sætið

Christopher Nkunku, Jadon Sancho og Pedro Neto fagna marki hjá …
Christopher Nkunku, Jadon Sancho og Pedro Neto fagna marki hjá Chelsea í kvöld. AFP/Justin Tallis

Chel­sea fór upp úr sjö­unda sæti og í það fjórða með því að vinna ör­ugg­an sig­ur á botnliði Sout­hampt­on, 4:0, í 27. um­ferð ensku úr­vals­deild­ar­inn­ar í knatt­spyrnu karla í kvöld.

Chel­sea er með 46 stig í fjórða sæt­inu en bæði Manchester City og Newcastle United eru með 44 stig í sæt­un­um fyr­ir neðan og eiga leiki til góða annað kvöld.

Chel­sea var 3:0 yfir í hálfleik eft­ir að Christoph­er Nkunku, Pedro Neto og Levi Colwill skoruðu.

Marc Cucurella inn­siglaði svo sig­ur­inn með fjórða mark­inu tólf mín­út­um fyr­ir leiks­lok.

mbl.is
Fleira áhugavert
Fleira áhugavert