Missir af úrslitaleiknum gegn Liverpool

Enska knattspyrnufélagið Newcastle United hefur ákveðið að áfrýja ekki rauða spjaldinu sem Anthony Gordon fékk í 2:1-tapi fyrir Brighton & Hove Albion 16-liða úrslitum ensku bikarkeppninnar um síðustu helgi.

Eddie Howe, knattspyrnustjóri Newcastle, hafði ýjað að því að félagið myndi láta á það reyna að áfrýja þar sem Gordon hafi ekki haft neitt illt í hyggju en nú er ljóst að ekkert verður af því.

Frétt af mbl.is

Hikum ekki við að áfrýja

Gordon fékk beint rautt spjald fyrir að slá Jan Paul van Hecke og er á leið í þriggja leikja bann. Það þýðir að enski landsliðsmaðurinn missir meðal annars af úrslitaleik enska deildabikarsins gegn Liverpool á Wembley sunnudaginn 16. mars.

Einnig missir hann af deildarleikjum gegn West Ham United næsta mánudagskvöld og Brentford 2. apríl.

• Blogga um frétt