Vilja lengra bann eftir tæklinguna hræðilegu
Setja bókamerki
Enska knattspyrnusambandið hefur lagt fram formlega beiðni til eftirlitsnefndar sambandsins í því skyni að lengja fyrirhugað leikbann Liam Roberts, markvarðar Millwall, eftir stórhættulega tæklingu hans á Jean-Philippe Mateta, sóknarmann Crystal Palace, í ensku bikarkeppninni á laugardag.
Robert sparkaði í höfuð Mateta af öllu afli er þeir börðust um boltann. Franski framherjinn lá óvígur eftir með djúpan skurð við eyra og þurfti súrefni. Eftir að hann var fluttur á sjúkrahús þurfti að sauma 25 spor við eyra Mateta.
Markvörðurinn fékk beint rautt spjald fyrir brotið en þó ekki fyrr en VAR benti Michael Oliver dómara á að gula spjaldið sem hann gaf upphaflega væri alls ekki nóg.
Roberts fer sjálfkrafa í þriggja leikja bann fyrir rauða spjaldið en knattspyrnusambandið greindi frá því í dag að það væri „augljóslega ekki nógu langt“ er sambandið tilkynnti að það myndi óska eftir lengra banni fyrir markvörðinn.
Auknar tekjur leiði í raun til tekjumissis
Bráðamóttakan verður stækkuð
2% sparnaður gæti skilað 30 milljörðum
Hyggst ná Grænlandi „með einum eða öðrum hætti“
Dregið verður úr umsvifum Rúv á samkeppnismarkaði
Engar fundargerðir síðasta misserið
„Aldrei staðið gegn hagræðingu í ríkisrekstri“