Hádramatík í Brighton

Bright­on vann mjög drama­tísk­an sig­ur á Ful­ham, 2:1, í 28. um­ferð ensku úr­vals­deild­ar karla í knatt­spyrnu í dag. 

Bright­on er komið í sjötta sæti ensku deild­ar­inn­ar með 46 stig en Ful­ham er í ní­unda sæti með 42.

Raul Jimé­nez kom Ful­ham yfir 35. mín­útu en Jan Paul van Hecke jafnaði met­in sex mín­út­um síðar, 1:1. 

Joao Pedro skoraði síðan sig­ur­mark Bright­on á átt­undu mín­útu upp­bót­ar­tíma seinni hálfleiks úr víta­spyrnu, 2:1, og tryggði Bright­on mjög svo mik­il­væg­an sig­ur. 

Palace í fanta­formi

Crystal Palace hafði þá bet­ur gegn Ipswich, 1:0, á Sel­hurst Park. 

Palace er nú búið að vinna þrjá leiki í röð í deild­inni og fjóra í öll­um keppn­um. Liðið er komið í ell­efta sæti með 39 stig en Ipswich er með 17 stig í 18. sæti.

Ismalia Sarr skoraði sig­ur­markið á 82. mín­útu leiks­ins. 

• Blogga um frétt