Íþróttir | Enski boltinn | mbl | 11.3.2025 | 11:13

„Lélegasti leikmaður í sögu Manchester United“

Rasmus Höjlund.
Rasmus Höjlund. AFP/Oli Scarff

Breski fjölmiðlamaðurinn og leikarinn Rory Jennings fór ófögrum orðum um danska framherjann Rasmus Höjlund á dögunum.

Höjlund, sem er 22 ára gamall, hefur ekki átt fast sæti í liði Manchester United síðan Ruben Amorim tók við stjórnartaumunum hjá félaginu í nóvember á síðasta ári.

Daninn gekk til liðs við United frá Atalanta, sumarið 2023, fyrir 64 milljónir punda en hann hefur aðeins skorað tvö mörk í 23 leikjum í ensku úrvalsdeildinni á tímabilinu.

Kennir í brjósti um hann

„Rasmus Höjlund er lélegasti leikmaður í sögu Manchester United,“ sagði Jennings í samtali við talkSport.

„Hann er vandræðalega slakur. Hann á ekki heima á þessu getustigi leiksins. Það er ekki annað hægt en að kenna í brjósti um hann. 

Hann væri í vandræðum með að fá mínútur hjá QPR,“ bætti Jennings við en QPR er sem stendur í fjórtánda sæti ensku B-deildarinnar með 44 stig.

mbl.is
Fleira áhugavert
„Erum ekki aftur að fara í núll eða neikvæða vexti“ Hinn látni íbúi í Þorlákshöfn á sjötugsaldri Líkið sagt hafa fundist í Gufunesi Maðurinn sem fór í sjóinn við Akraneshöfn á batavegi
Fleira áhugavert
Bjarni: Taldi bestu leiðina alltaf að leita samninga Líkið sagt hafa fundist í Gufunesi Maðurinn sem fór í sjóinn við Akraneshöfn á batavegi Rannsaka manndráp á Suðurlandi