Van Dijk boðnir þrír milljarðar í árslaun

Forráðamenn sádiarabíska knattspyrnufélagsins Al Hilal hafa boðið hollenska varnarmanninum Virgil van Dijk 20 milljónir evra í árslaun þar í landi, tæplega þrjá milljarða íslenskra króna.

Það er franski miðillinn L'Equipe sem greinir frá þessu en van Dijk, sem er 33 ára gamall, er fyrirliði enska úrvalsdeildarfélagsins Liverpool.

Frétt af mbl.is

„Þá eru þeir að ljúga að ykkur“

Samningur hans á Anfield rennur út í sumar og hefur hann ekki skrifað undir nýjan samning við Liverpool enn sem komið er.

Honum var frjálst að ræða við önnur félög í janúar en hann gekk til liðs við Liverpool frá Southampton í janúar árið 2018 fyrir 75 milljónir punda og var þá dýrasti varnarmaður heims.

Van Dijk hefur leikið 310 leiki fyrir félagið í öllum keppnum og skorað í þeim 26 mörk en hann hefur unnið allt sem hægt er að vinna með félaginu.

• Blogga um frétt