„Eru mjög strangir á Englandi“

Ivan Juric, knatt­spyrn­u­stjóri botnliðs Sout­hampt­on í ensku úr­vals­deild­inni, seg­ir pólska miðvörðinn Jan Bedna­rek ekki geta tekið þátt í leik liðsins gegn Wol­ves í deild­inni á morg­un vegna þess að hann fékk heila­hrist­ing í leik gegn Li­verpool um síðustu helgi.

Sam­kvæmt regl­um úr­vals­deild­ar­inn­ar má Bedna­rek ekki taka þátt í leikn­um.

„Bedna­rek verður ekki með í leikn­um því regl­urn­ar eru mjög strang­ar. Hann hef­ur ekki jafnað sig eins fljótt og ég hefði vonað vegna þess að þér verður að líða vel á hverj­um degi sam­kvæmt regl­un­um.

Á þriðju­deg­in­um leið hon­um ekki vel. Á Englandi eru þeir mjög strang­ir hvað þetta varðar,“ sagði Juric á frétta­manna­fundi í dag.

Þar greindi hann einnig frá því að Will Small­bo­ne sé að glíma við nára­meiðsli og verði því ekki held­ur með gegn Úlf­un­um.

• Blogga um frétt