Hrósaði undrabarninu í hástert

Thomas Tuchel, þjálfari enska karlalandsliðsins í fótbolta, hrósaði Myles Lewis-Skelly undrabarni Arsenal í hástert eftir frammistöðu hans í gærkvöldi. 

Lewis-Skelly, sem er aðeins 18 ára, lék sinn fyrsta landsleik fyrir England gegn Albaníu í 2:0-sigri á Wembley. Hann skoraði fyrra mark Englands. 

„Hann er svo mikill karakter. Hann var frábær á æfingum og er afskaplega fyndinn. Hann er með svo mikið sjálfstraust. Það sem hann gerir, bæði á vellinum og utan vallar, er svo eðlilegt, hann er með svo náttúrulegt sjálfstraust,“ sagði Tuchel eftir leik. 

Frétt af mbl.is

Fyrsta landsliðsmarkið í fyrsta landsleiknum

• Blogga um frétt