Frá Tottenham til Madrídar?

Atlético Madríd hefur mikinn áhuga á því að festa kaup á argentínska knattspyrnumanninum Cristian Romero, miðverði Tottenham Hotspur, í sumar.

Sky Sports greinir frá.

Romero, sem er 27 ára, á rúm tvö ár eftir af samningi sínum við Tottenham en hann var keyptur á 43 milljónir punda frá Atalanta á Ítalíu sumarið 2022.

Samkvæmt Sky Sports gæti Tottenham freistast að selja Romero til Madrídar fari svo að hann skrifi ekki undir nýjan samning á næstunni.

• Blogga um frétt