Liverpool hefur fundið arftaka Alexanders-Arnolds

Forráðamenn enska knattspyrnufélagsins Liverpool hafa hafið viðræður við forráðamenn Þýskalandsmeistara Bayer Leverkusen um hægri bakvörðinn Jeremie Frimpong.

Það er PA-fréttaveitan sem greinir frá þessu en Frimpong, sem er 24 ára gamall, hefur leikið með Bayer Leverkusen frá árinu 2021.

Frétt af mbl.is

Búinn að samþykkja tilboð Real Madríd?

Hann var í lykilhlutverki með liðinu á síðustu leiktíð þegar Leverkusen varð Þýskalandsmeistari í fyrsta sinn og skoraði níu mörk og lagði upp önnur sjö til viðbótar í 31 deildarleik.

Bakvörðurinn er samningsbundinn Leverkusen út keppnistímabilið 2027-28 en hann kostar í kringum 50 milljónir punda.

Forráðamenn Liverpool sjá Frimpong sem fullkominn arftaka fyrir Trent Alexander-Arnold sem mun að öllum líkindum ganga til liðs við Real Madrid í sumar.

• Blogga um frétt