Stelur Real Madrid skotmarki Arsenal?

Forráðamenn knattspyrnuliðs Real Madrid á Spáni hafa sett sig í samband við Martín Zubimendi, miðjumann Real Sociedad, með það fyrir augum að semja við leikmanninn í sumar.

Það er spænski fjölmiðlamaðurinn Juanma Castano sem greinir frá þessu en hann heldur úti einum vinsælum útvarpsþætti á Spáni.

Frétt af mbl.is

Til Arsenal eftir að hafa hafnað Liverpool

Zubimendi hefur verið sterklega orðaður við Arsenal og var talið næsta víst að hann myndi ganga til liðs við enska félagið í sumar.

Forráðamenn Real Madrid hafa nú blandað sér í baráttuna um miðjumanninn og eru sagðir tilbúnir að virkja klásúlu í samningi leikmannsins sem hljóðar upp á 60 milljónir evra.

Zubamendi var sterklega orðaður við Liverpool síðasta sumar en ákvað að endingu að halda kyrru fyrir á Spáni.

• Blogga um frétt