Rooney óvænt ráðinn?

Wayne Roo­ney, marka­hæsti leikmaður Manchester United frá upp­hafi og fyrr­ver­andi landsliðsfyr­irliði Eng­lands í fót­bolta, gæti óvænt verið ráðinn knatt­spyrn­u­stjóri Blackburn Rovers.

Give Me Sport grein­ir frá í dag. Roo­ney var rek­inn sem stjóri Plymouth fyr­ir rúm­um þrem­ur mánuðum en bæði Blackburn og Plymouth leika í B-deild­inni.

Roo­ney átti erfitt upp­drátt­ar hjá Plymouth og var liðið í botnsæti deild­ar­inn­ar þegar hann var rek­inn. Þar á und­an var hann rek­inn eft­ir af­leitt gengi með Bir­ming­ham, sem féll að lok­um úr B-deild­inni.

Roo­ney virðist hins veg­ar ekki ætla að gef­ast upp á B-deild­inni og gæti hann tekið við af Frakk­an­um Val­erien Isma­el. Hann tók við liðinu í fe­brú­ar og hef­ur aðeins unnið einn leik af átta.

Liðið var í bar­átt­unni um sæti í um­spil­inu und­ir stjórn John Eustace fyrr á tíma­bil­inu en Eustace yf­ir­gaf Blackburn til að fara í fall­bar­átt­una með Der­by í fe­brú­ar.

• Blogga um frétt