Hvað gerir Rashford?

Enski knatt­spyrnumaður­inn Marcus Rash­ford er ekki bú­inn að ákveða næsta skref á ferl­in­um en hann er sem stend­ur að láni hjá Ast­on Villa frá Manchester United.

Enski miðill­inn The Guar­di­an fjall­ar um Rash­ford í dag og grein­ir frá að hann vilji spila með liði sem leik­ur í Meist­ara­deild­inni en á sama tíma vilji hann ekki flytja til Lund­úna.

Rash­ford er upp­al­inn hjá Manchester United en sam­band hans við stjór­ann Rú­ben Amorim er ekki gott. Á sama tíma er mik­il ánægja með sókn­ar­mann­inn hjá Villa, þar sem hann hef­ur spilað vel.

Villa get­ur keypt Rash­ford að láni loknu fyr­ir 40 millj­ón­ir en leikmaður­inn verður að samþykkja samn­ing­inn til að fé­laga­skipt­in geti gengið í gegn.

Ast­on Villa á enn mögu­leika á því að spila í Meist­ara­deild­inni á næstu leiktíð en liðið er sem stend­ur í sjö­unda sæti ensku úr­vals­deild­ar­inn­ar, fjór­um stig­um frá Manchester City í þriðja sæti.

• Blogga um frétt