Eb­erechi Eze og Jean-Phil­ippe Mateta skoruðu báðir stór­glæsi­leg mörk fyr­ir Crystal Palace þegar liðið gerði jafn­tefli við Arsenal, 2:2, á úti­velli í ensku úr­vals­deild­inni í knatt­spyrnu í kvöld.

Jakub Kiwi­or kom Arsenal yfir snemma leiks með góðu skalla­marki.

Eze jafnaði hins veg­ar met­in eft­ir tæp­lega hálf­tíma leik með mögnuðu skoti á lofti úr D-bog­an­um eft­ir horn­spyrnu Adams Whart­ons frá hægri.

Le­andro Tross­ard kom Arsenal aft­ur í for­ystu und­ir lok fyrri hálfleiks.

Mateta jafnaði svo met­in öðru sinni fyr­ir Palace fyr­ir Palace þegar William Saliba, miðvörður Arsenal, gaf bolt­ann beint á hann og Mateta vippaði bolt­an­um fyr­ir utan víta­teig yfir Dav­id Raya í marki Arsenal og í þverslána og inn, glæsi­legt mark.

Svip­mynd­ir úr leikn­um má sjá í spil­ar­an­um hér að ofan en mbl.is fær­ir ykk­ur efni úr enska bolt­an­um í sam­starfi við Sím­ann Sport.

Tengd­ar frétt­ir

Völl­ur­inn

Eiður Smári: Á ekki heima á fót­bolta­vell­in­um

• Eiður Smári, hvað er hann að hugsa?
• Vil­hjálm­ur: Arteta seg­ir bara eitt­hvað
• Eiður Smári: Ekki auðveld­asti karakt­er­inn í klef­an­um
• Vil­hjálm­ur: Þetta er eins og Space Jam

» Fleiri tengd­ar frétt­ir

• Blogga um frétt