United græddi á árangri Burnley

Enska knatt­spyrnu­fé­lagið Burnley þarf að greiða Manchester United að minnsta kosti 100 þúsund pund þar sem fé­lagið tryggði sér sæti í ensku úr­vals­deild­inni á mánu­dag.

Ástæðan er sú að Burnley keypti Hanni­bal Mejbri af United fyr­ir tíma­bilið á 9,5 millj­ón­ir punda. Inni í kaup­verðinu var klásúla sem hækkaði kaup­verðið ef Burnley færi upp um deild.

Mejbri var orðinn byrj­un­arliðsmaður hjá Erik ten Hag hjá United á tíma­bili en missti síðan sætið sitt í liðinu. Hann fór að lok­um að láni til Sevilla á Spáni seinni hluta síðasta tíma­bils og gekk síðan í raðir Burnley síðasta sum­ar.

Simon Stone á BBC seg­ir upp­hæðina vera und­ir millj­ón pund­um en yfir 100 þúsund pund­um.

• Blogga um frétt