Kveður með 500. leiknum

Jamie Var­dy mun spila sinn síðasta leik fyr­ir enska knatt­spyrnu­fé­lagið Leicester City á sunnu­dag­inn, þrátt fyr­ir að liðið eigi þá einn leik eft­ir í ensku úr­vals­deild­inni.

Leicester mæt­ir Ipswich á heima­velli í næst­síðustu um­ferðinni á sunnu­dag. Það verður 500. leik­ur Var­dys fyr­ir Leicester og hann hef­ur gert sam­komu­lag við fé­lagið um að það verði kveðju­leik­ur­inn á mögnuðum þrett­án ára ferli hans með liðinu.

Var­dy hef­ur í 499 leikj­um skorað 199 mörk og því von­ast heima­menn eft­ir því að hann skori gegn Ipswich og kveðji því með 200 mörk í 500 leikj­um.

Leicester heim­sæk­ir Bour­nemouth í lokaum­ferðinni en ákveðið er að Var­dy muni ekki taka þátt í þeim leik.

Var­dy kom til Leicester frá Fleetwood Town, sem þá  var ut­an­d­eildalið, sum­arið 2012. Hann var þá orðinn 25 ára gam­all og hafði aldrei leikið í ensku deilda­keppn­inni en Leicester greiddi fyr­ir hann eina millj­ón punda sem var metupp­hæð fyr­ir leik­mann úr fimmtu efstu deild.

Hann hef­ur held­ur bet­ur skilað sínu, var í liði Leicester sem varð öll­um að óvör­um ensk­ur meist­ari árið 2016 og vann enska bik­ar­inn með því árið 2021. Þá vann Var­dy ensku B-deild­ina með Leicester árin 2014 og 2024. og var kjör­inn knatt­spyrnumaður árs­ins í úr­vals­deild­inni tíma­bilið 2015-2016.

Hann lék með enska landsliðinu á EM 2016 og HM 2018 og skoraði 7 mörk í 26 lands­leikj­um.

Þó Var­dy sé orðinn 38 ára gam­all hef­ur hann full­an hug á að halda áfram og reikn­ar með því að spila í það minnsta eitt tíma­bil í viðbót með ein­hverju öðru liði.

• Blogga um frétt