Tom Brady hreinsar til hjá Íslendingafélaginu

Alls munu fimmtán leik­menn yf­ir­gefa enska knatt­spyrnu­fé­lagið Bir­ming­ham City í sum­ar þegar samn­ing­ar þeirra renna út.

Fé­lagið tryggði sér ör­ugg­an sig­ur í ensku C-deild­inni á nýliðnu keppn­is­tíma­bili, setti nýtt stiga­met í allri deilda­keppn­inni og leik­ur á ný í ensku B-deild­inni á næstu leiktíð eft­ir eins árs fjar­veru.

Tom Bra­dy, fyrr­ver­andi leik­stjórn­andi í banda­rísku NFL-deild­inni í ruðningi, á stór­an hlut í enska fé­lag­inu og hann hef­ur boðað breyt­ing­ar á leik­manna­hópn­um í sum­ar.

Íslensku landsliðsmenn­irn­ir Al­fons Sam­spted og Will­um Þór Will­umsson eru báðir samn­ings­bundn­ir Bir­ming­ham og verða áfram í her­búðum fé­lags­ins á næstu leiktíð.

• Blogga um frétt