Krefja Palace um sönnunargögn

Fjár­mála­nefnd fé­lagsliða hjá UEFA, Knatt­spyrnu­sam­bandi Evr­ópu, hef­ur kraf­ist þess að ensku bikar­meist­ar­arn­ir Crystal Palace sanni að banda­ríski kaup­sýslumaður­inn John Textor hafi ekki af­ger­andi áhrif á starf­semi fé­lags­ins.

Crystal Palace ætti að keppa í Evr­ópu­deild­inni næsta vet­ur, sem bikar­meist­ari Eng­lands, en sam­kvæmt regl­um UEFA mega tvö lið með  sama eig­anda ekki taka þátt í sömu keppni á veg­um sam­bands­ins.

Textor er meðeig­andi í bæði Crystal Palace og franska fé­lag­inu Lyon sem einnig hef­ur unnið sér keppn­is­rétt í Evr­ópu­deild­inni.

Viðræður milli for­ráðamanna Crystal Palace og full­trúa UEFA hafa staðið yfir í nokk­urn tíma.

Sky Sports seg­ir að Textor sé til­bú­inn til að segja af sér sem stjórn­ar­maður Palace og sé jafn­framt í viðræðum um að selja eign­ar­halds­fé­lagið Eagle Foot­ball Hold­ings en í gegn­um það er hann einn eig­enda enska  fé­lags­ins.

• Blogga um frétt