Mömmu finnst hann stundum fráhrindandi

Jude Bell­ing­ham, leikmaður Real Madrid, átti erfitt með að hemja skapið í gær­kvöld þegar Eng­land tapaði óvænt fyr­ir Senegal, 3:1, í vináttu­lands­leik í knatt­spyrnu á City Ground í Nott­ing­ham.

Í stöðunni 2:1 var mark Bell­ing­hams sem hefði jafnað met­in fyr­ir Eng­lend­inga dæmt af vegna hendi á sam­herja hans í aðdrag­anda marks­ins.

Það fór ekki vel í Bell­ing­ham og eft­ir að leik­ur­inn hafði verið flautaður af sparkaði hann bolt­an­um í burtu og setti stefn­una á einn úr dóm­aratríó­inu en fyr­irliðinn Harry Kane náði að stöðva hann og koma hon­um í burtu.

Thom­as Tuchel landsliðsþjálf­ari Eng­lend­inga ræddi þetta m.a. við The At­hletic eft­ir leik­inn. „Maður sér stund­um hve mikið skap hann hef­ur, þú sérð hungrið, skapið og eld­inn í æðum hans, og  stund­um er birt­ing­ar­mynd­in dá­lítið frá­hrind­andi. Til dæm­is finnst móður minni það þegar hún horf­ir á hann spila í sjón­varp­inu," sagði þýski landsliðsþjálf­ar­inn.

• Blogga um frétt