Atli Snær Sig­urðsson, einnig þekkt­ur sem Ic3­Fog, er sann­kallað ís­lenskt undra­barn í rafíþrótt­um en hann er ekki nema þrett­án ára gam­all og sinn­ir rafíþrótt­um af kappi.

Hef­ur hann verið að keppa í tölvu­leikn­um Dota 2 en sá leik­ur er þekkt­ur fyr­ir að vera flók­inn í spil­un og er jafn­framt tal­inn einn erfiðasti leik­ur­inn í rafíþrótt­um.

Ætti að vera í hærra ranki

Atli fær fimm tölvu­daga í viku og not­ar hann þá til þess að æfa sig í leikn­um og hækka „MMR“ hjá sér, en MMR er einskon­ar getustaða inn­an Dota.

Atli fékk und­anþágu vegna ald­urs í sept­em­ber síðastliðnum til þess að keppa á Al­menna 1 í Dota 2 mót­inu en þá var hann með 1800 í MMR, í dag er hann kom­inn í 3200 MMR.

„Þeir sem eru að spila með hon­um vilja meina að hann ætti að vera rankaður tölu­vert hærra miðað við getu í leikn­um,“ seg­ir Sig­urður Jens Sæ­munds­son, faðir Atla í sam­tali við mbl.is.

Þúsund­um færri leik­ir en aðrir í sömu getu­stöðu

Það krefst mik­ill­ar vinnu og tíma að hækka MMR inn­an leiks­ins, en 20 MMR-stig eru gef­in fyr­ir hvern sig­ur­leik og 20 stig eru dreg­in af fyr­ir hvern tap­leik.

„Hann er með mörg þúsund færri spilaða leiki miðað við aðra spil­ara í sama ranki og hann.“

Tölvu­dag­ana fimm vinn­ur Atli sér inn fyr­ir með því að mæta á fjór­ar körfu­boltaæf­ing­ar í viku auk þess að aðstoða for­eldra sína við heim­il­is­störf og að hugsa um yngri systkini sín.

Skipt­ir á milli hlut­verka

Spil­ar hann svo og æfir sig á þess­um tölvu­dög­um, eins og fram kem­ur hér að ofan, en hann er einnig dug­leg­ur að skipta á milli hlut­verka í leikn­um. Í Dota eru fimm leik­menn í hvoru liði og hverj­um leik­manni er skipað ákveðið hlut­verk.

Atli spil­ar að mestu leyti í stöðu eitt, þrjú og fjög­ur en þá æfir hann sig annaðhvort í hóp með öðrum Íslend­ing­um, Sví­um eða Þjóðverj­um sem hafa orðið vin­ir hans í gegn­um tölvu­leikja­spil­un­ina.

Flest­ir krakk­ar nú­tím­ans byrja á að spila tölvu­leiki eins og Minecraft, en það er ein­mitt sá leik­ur sem að Atli byrjaði fyrst að spila. Seinna fór hann að fylgj­ast með föður sín­um í Dota, eða árið 2016, og vildi ólm­ur prófa leik­inn.

Safnaði sér fyr­ir tölvu ell­efu ára

„Smám sam­an spilaði hann Dota meira og meira en það var ekki fyrr en hann var ell­efu ára, þegar hann hafði safnað sér sjálf­ur fyr­ir eig­in PC-tölvu, sem hann fór virki­lega að spila leik­inn af krafti,“ seg­ir Sig­urður.

Fyr­ir ein­hverja til­vilj­un rakst faðir Atla á Al­menna 1 Dota mótið sem hann fékk und­anþágu fyr­ir dreng­inn til þess að taka þátt í og stóð hann sig mjög vel á því móti og fékk verðskuldaða at­hygli fyr­ir það.

Kom á óvart

En sú minn­ing sem sit­ur efst í huga Atla er frá síðasta Dota móti, Dóra Bik­ar­inn, en þar var hann að spila Snap­fire stuðning og hitt liðið var að klára leik­inn, en Atli náði að „gleypa leik­mann­inn í stöðu eitt í sínu liði og henda hon­um heim þannig að hann gat fengið fulla orku og mætt aft­ur í bar­dag­ann, sem þeir sneru svo við og unnu leik­inn að öll­um óvör­um“.

Hægt er að horfa á at­vikið í mynd­bandi hér að neðan, en mark­mið Atla er að halda áfram að bæta sig og von­ast til þess að kom­ast í sterkt Dota 2 lið í Evr­ópu.

Atli streym­ir einnig frá sér að spila en hann ger­ir það á Twitch-rás­inni Ic3­Fog.

Tengd­ar frétt­ir

Leikmaður vik­unn­ar

Er kannski bara með pirr­andi stíl

• Öskrar og djók­ar í stelp­un­um
• Nokk­ur tár féllu að leiks­lok­um
• Pókemon­meist­ari bít­ur á jaxl­inn
• Flug­synd­ur í Fortni­te

» Fleiri tengd­ar frétt­ir

Dota

Markvörður gríp­ur Dota-bolt­ann

• Gaml­ar kemp­ur í nýju Dota2 liði
• Hakka­vél­arn­ar byrja sem þjálf­ar­ar
• Dota 2: „Náum alltaf að toppa“
• Al­vöru keyrsla Snorra og dverg­anna

» Fleiri tengd­ar frétt­ir

• Blogga um frétt