Nýtt tímabil er hafið í Overwatch 2 og býðst íslenskum Overwatch 2-leikmönnum að spreyta sig í leiknum á móti í næstu viku.

Þann 18. desember verður keppt í Overwatch 2 í rafíþróttahöllinni Arena, en aðeins átta lið geta tekið þátt. Þá er víst að hafa hraðar hendur þar sem reglan „fyrstur kemur, fyrstur fær“ gildir.

Hringekjumót og hlaðborð

Þetta verður svokallað hringekjumót (e. round robin) með best-af-þremur fyrirkomulagi, en þá keppa allir á móti öllum og þrír leikir eru spilaðir í hverri viðureign. Efstu tvö liðin keppa um fyrsta sætið í úrslitaviðureign sem nemur fimm leikjum í stað þriggja.

Mótið hefst í hádeginu klukkan 12:30 en keppendur eru beðnir um að mæta að lágmarki hálftíma áður en mótið hefst.

Þegar fimm umferðir hafa verið spilaðar á mótinu verður pítsuhlaðborð á veitingastaðnum Bytes í boði fyrir þá leikmenn sem greiða 2.000 krónur til viðbótar við mótsgjaldið.

Arena veitir efstu tvemur liðunum verðlaun og fela verðlaunin í sér tugi klukkustunda af spilatíma á staðnum ásamt pítsuveislu á Bytes.

Nánar um þetta og skráningu á mótið er að finna á heimasíðu Arena.

Tengdar fréttir

Overwatch

Fylgst með íslenskum leikmönnum

• Ísland nýtir pláss Araba vel
• Stal nafninu af bróður sínum
• Yngsti stuðningsmaðurinn aðeins eins árs
• „Þetta var eins og í draumi“

» Fleiri tengdar fréttir

Rafíþróttir á Íslandi

FH-ingar öflugir í Fortni­te

• Denas rýkur upp stigatöfluna
• Ráðherra í Fortni­te-fjöri
• Björn sendi Hannes út í myrkrið
• Ástin á PUBG sameinar samfélagið

» Fleiri tengdar fréttir

• Blogga um frétt