Gætu brotið blað í sögu keppnissenunnar
Setja bókamerki
Tengdar fréttir
Rafíþróttir á Íslandi
Spennan er orðin gríðarleg í Kraftvéladeildinni þar sem síðar í kvöld verður ljóst hvaða Dota 2-lið kemur sér upp úr neðra leikjatrénu og í undanúrslitin sem fara fram annað kvöld. Það lið mætir þá hugsanlega Fylki í úrslitaleik deildarinnar en hann verður spilaður sama kvöld.
Lið í neðra leikjatré deildarinnar hafa hamast á lyklaborðinu í allan dag í von um að tryggja sér sæti í undanúrslitunum sem fara fram í rafíþróttahöllinni Arena annað kvöld.
Vert er að nefna að Fylkir hefur enn ekki tapað leik á mótinu og væri sigur þeirra á mótinu því ansi merkilegur áfangi. Þá ekki aðeins fyrir íþróttafélagið Fylki, heldur kæmist það einnig í sögubækurnar um íslensku keppnissenuna í Dota 2.
Segir Kórdrengina vera seiga
Í samtali við mbl.is segir Róbert Örn Vigfússon, leikmaður Fylkis, að „þeir séu allir helvíti kátir og léttir á því“ yfir þessu. Þá grunar hann að þeir muni mæta Kórdrengjum í úrslitaleiknum.
„Þeir eru búnir að vera helviti seigir, ég býst við erfiðum leikjum frá þeim. Við erum búnir að keppa á móti þeim tvisvar áður og unnið á móti þeim í bæði skiptin,“ segir Róbert í samtali við mbl.is.
„Annars held ég að við tökum þessa deild með stæl og glensi.“
Koma, sjá og sigra - kannski
Er þessi lokasprettur Kraftvéladeildarinnar því ansi spennandi og þá sérstaklega fyrir Fylki, en þetta er í fyrsta skiptið sem keppt er undir merkjum Fylkis í deildinni.
Undanúrslitin sem og úrslitin fara fram, sem fyrr segir, í rafíþróttahöllinni Arena annað kvöld og verður sýnt frá leikjunum á stóra skjánum allan daginn. Áætlað er að fyrstu leikirnir hefjist í hádeginu, upp úr klukkan 12:30.
Tengdar fréttir
Rafíþróttir á Íslandi
Sanna íhugar stöðu sína í Sósíalistaflokknum
Gervigreindarmyndbönd á íslensku vekja athygli
Má ekki taka þingræðið úr sambandi
Fjárfestingum þegar frestað víða um land
Þjónusta áfram reykvísk börn
Fjármálaáætlunin gangi ekki upp