Íþróttir | Rafíþróttir | mbl | 15.4.2023 | 9:09 | Uppfært 16.4.2023 21:55

Stal nafninu af bróður sínum

Bræðurnir Fannar Logi og Magnús Hinrik hafa skapað sér nafn innan rafíþróttaheimsins hér á landi með farsælum ferli í tölvuleiknum Overwatch undir merkjum Atgeira en þeir eru nýjustu viðmælendur Settöpp-þáttarins á rafíþróttavef mbl.is.

Hér að ofan má horfa á þáttinn í heild sinni og skoða aðstöðuna þeirra. Þar að auki má kynnast þeim ögn betur, hverjir þessir menn eru sem hafa setið á toppnum í senunni um nokkurn tíma.

Frétt af mbl.is

Hápunkturinn er í gangi einmitt núna

„Við höfum bara einu sinni lent í þriðja sæti, það var þegar liðið var að klepera og óstöðugt vegna breytinga en síðan þá höfum við verið í fyrsta og öðru sæti,“ segir Fannar Logi, þjálfari Atgeira og bætir við að það hafi verið ómögulegt að vinna Böðla á tímabili.

Vita ekki um bikarinn

Þeir urðu Íslandsmeistarar í Overwatch nýlega, þegar þeir unnu úrslitaleikinn gegn NÚ í Almenna bikarnum. Þeir fengu þó bikarinn ekki afhentan og vita í raun ekki hvar hann er niðurkominn.

Frétt af mbl.is

„Þetta var eins og í draumi“

Bræðurnir eiga einstaklega sterkt samband eins og sést í þættinum og eru býsna nánir eins og sést í þættinum en þeir byrjuðu að spila saman Overwatch árið 2016 í PlayStation 4 þegar Fannar ákvað að kaupa leikinn vegna þess að Magnúsi langaði svo til þess að prófa hann.

Fannar er eldri og hefur staðið þétt við bakið á Magnúsi og segir Magnús hann jafnframt vera sinn helsta stuðningsmann. Hvort sem stuðningurinn berist í spjallglugganum Twitch, á æfingum eða heima fyrir.

„Hann var aðalstuðningsmaðurinn, alltaf í Twitch-spjallinu eitthvað að röfla,“ sagði Magnús en í þættinum kemur fram að rafheiti Magnúsar, avvi, hafi upprunalega verið Fannars.