Kristófer Tristan og Denas Kazu­lis eru enn í tveimur efstu sætum ELKO-Deildarinnar í Fortnite eftir að hafa sigrað hvor sinn leikinn í 6. umferð sem var spiluð í gærkvöld.

Þeir Denas og Kristófer skiptu sigrum nokkuð jafnt á milli sín á fyrri helmingi mótsins og frammistaða þeirra í gær bendir til þess að þeir ætli að uppteknum hætti í seinni hlutanum.

Kristófer bauð þó upp á þau nýmæli að vinna fyrri leik kvöldsins en hann hefur átt það til að byrja kaldur en koma funheitur inn í seinni leikina og sigra þá með tilþrifum.

Þessir höfuðandstæðingar í deildinni hafa skipst á að hirða toppsætið í síðustu umferðum og eftir 5. umferð var Denas 11 stigum á eftir Kristófer sem nær enn, naumlega, að halda toppsætinu.

Staðan á toppi ELKO-Deildarinnar:

1 Kristófer Tristan (iKristoo) 228
2 Denas Kazulis (denas 13) 217
3 Emil Víkingur (Rich Emil) 133
4 Lester Search (aim like Lester) 111

Denas náði að saxa vel á forskot Kristófers í gær þannig að nú skilja aðeins tvö stig þá að á toppi Elko-Deildarinnar þar sem Kristófer leiðir með 276 stig en Denas andar ofan í hálsmálið á honum með 274. Talsvert langt að baki þeirra er svo Emil Víkingur í 3. sæti með 158 stig.

Tengdar fréttir

Fortnite

FH-ingar öflugir í Fortni­te

• Denas rýkur upp stigatöfluna
• Ráðherra í Fortni­te-fjöri
• Kristófer tók topp­sætið af Denasi
• Í sjokki eftir leikinn

» Fleiri tengdar fréttir

Rafíþróttir á Íslandi

Denas rýkur upp stigatöfluna

• Ráðherra í Fortni­te-fjöri
• Björn sendi Hannes út í myrkrið
• Ástin á PUBG sameinar samfélagið
• Læti í leiknum sem beðið var eftir

» Fleiri tengdar fréttir

• Blogga um frétt