Finnska kvennalandsliðið er Norðurlandameistari í Counter Strike annað árið í röð eftir 2:0-sigur á liði Danmerkur í úrslitaleiknum í gær. 

Finnska mulningsvélin var óstöðvandi á Norðurlandamótinu 2024 í Svíþjóð um helgina, sigraði allar viðureignir sínar og varði Norðurlandameistaratitillinn eins sannfærandi og mögulegt er.

Vel fór á með landsliðum Íslands og Svíþjóðar um helgina en liðin enduðu í þriðju og fjórðu sætum Norðurlandamótsins. Ljósmynd/@aatigmedia

Danska liðið endaði, rétt eins og í fyrra, i 2. sætinu en eftir sigra á liðum Íslands og Svíþjóðar mætti liðið aftur ofjörlum sínum og tapaði tvöfalt, 13:6 í Nuke og 13:6 í Inferno,  í úrslitaleiknum gegn Finnlandi.

Finnland er með níu stig í 1. sæti, Danmörk er í 2. sæti með sex stig, Svíþjóð með þrjú stig í 3. sæti og lið Íslands rekur lestina með núll stig í 4. sæti. Þó má segja að stelpurnar okkar hafi farið upp um sæti milli ára því norska liðið, sem var í því fjórða í fyrra, tók ekki þátt að þessu sinni.

Stelpurnar okkar sýndu tilþrif og börðust vel á Norðurlandamótinu en það dugði ekki til og þær enduðu stiglausar í 4. sæti.

Tengdar fréttir

Rafíþróttir á Íslandi

FH-ingar öflugir í Fortni­te

• Denas rýkur upp stigatöfluna
• Ráðherra í Fortni­te-fjöri
• Björn sendi Hannes út í myrkrið
• Ástin á PUBG sameinar samfélagið

» Fleiri tengdar fréttir

Counter-Strike

Læti í leiknum sem beðið var eftir

• Spennan gæti varla verið meiri
• Stór­mót skiluðu 17,9 milljörðum
• Ballið búið eftir þrjá tap­leiki
• Ís­land lenti á sænskum vegg

» Fleiri tengdar fréttir

• Blogga um frétt