Klutz landaði þriðja meistaratitlinum

Öflugt lið Klutz er Míludeildarmeistari í Valorant kvenna 2024 eftir að hafa lagt Jötunn Valkyrjur 3:1 í úrslitaviðureign Míludeildarinnar í Arena í gærkvöld.

Frétt af mbl.is

Val­kyrjur og Klu­tz í úr­slit

Spennan fyrir úrslitaleikinn var mikil enda ljóst að hart yrði barist þótt á brattan yrði að sækja hjá Valkyrjum gegn Klutz, sem á pappírunum var og, eins og kom í ljós í gær, er besta lið Míludeildarinnar og það segir sína sögu að með sigrinum á föstudagskvöld er Klutz orðið þrefaldur kvennadeildarmeistari í Valorant.

Daníel og Mist voru í góðum gír þegar þau lýstu úrslitunum í beinni útsendingu enda bæði ánægð með frmmistöðu liðanna og Míludeildina eins og hún leggur sig. Skjáskot/RÍSÍ

Mótastjórarnir Mist Reykdal Magnúsdóttir og Daníel Máni Óskarsson, sem lýstu úrslitaviðureigninni í beinni útsendingu, voru sátt við frammistöðu beggja liða og lýstu einnig ánægju sinni með deildina almennt í ár.

Enda hefur Míludeildin aldrei verið jafn umfangsmikil en átta lið skráðu sig til leiks og upphæð verðlaunafjárins markaði einnig ákveðin tímamót.

Frétt af mbl.is

Enda­tafl á þremur vígstöðvum

„Peningalega er þetta næst stærst og það sem er örugglega mest töff við þetta er að þetta er örugglega í fyrsta skipti sem rafíþróttadeild, önnur en Counter Strike, er með yfir milljón í verðlaunafé,“ sagði Daníel í upphafi tímabilsins í haust og  benti á að ekki þyrfti að hafa mörg orð um hversu jákvætt þetta er fyrir rafíþróttir kvenna.

• Blogga um frétt