Kutarnir elska Búðardal
Þórarinn Þórarinsson
Setja bókamerki
Tengdar fréttir
Rafíþróttir á Íslandi
„Það er ógeðslega gaman að hitta fólk svona í raunheimum. Geggjað bara og ég var að hitta einn úr liðinu, tvo jafnvel, í fyrsta skipti í eigin persónu,“ segir Sverrir Freyr sem fagnaði, ásamt félögum sínum í Kuta meistaratitli í Dota 2 um helgina.
Æsispennandi úrslitaviðureign Kuta og TSR Akademíunnar, sem fór fram í Arena á laugardagskvöld, lauk með 3:1 sigri Kuta eftir harða og tvísýna baráttu. Liðið stóð því uppi sem Íslandsmeistari í Dota 2 í „bumbuboltanum“ eins og deildin er stundum kölluð.
Sverrir Freyr, sem í Dota 2-heiminum er sjálfsagt þekktari sem „tiny.kuti“, segir aðspurður að allir leikirnir hafi verið harðir og tekið á taugarnar. „En sérstaklega sá síðasti,“ segir hann um fjórða leikinn þar sem TSR hafði lengst af yfirhöndina.
Svo mjög þótti lýsendum í beinu útsendingunni frá viðureigninni halla á Kuta að þeir töldu „gjörsamlega galið“ að Akadímían hafi getað misst leikinn úr höndum sér. Þá fannst þeim ekki síður ótrúlegt að Kutarnir hefðu taugar til að halda baráttuna út og snúa henni að lokum upp í sigur.
„Liðið í þessari mynd var eiginlega bara stofnað fyrir þetta mót,“ segir Sverrir en bætir við að flestir hafi liðsmenn þó spilað saman í nokkur ár en þeir hafi ekki tekið þátt í móti með nákvæmlega þessari uppstillingu áður.
Þessi farsæla frumraun liðsins í deildinni hefur að sjálfsögðu orðið til þess að Kutarnir vilja stefna hærra. „Við erum að skoða hvort við ætlum að taka þátt í stóru deildinni eftir áramót,“ segir Sverrir en þá þyngist heldur betur róðurinn því þá kemur loks að því að mulningsvélum þeirra allra bestu á landinu í Dota 2 verði sleppt lausum.
Athygli vakti að þegar sigur Kuta var í höfn var lagið Er ég kem heim í Búðardal, með Ðe lónlí blú bojs, hækkað í botn og lýsendur útsendingarinnar töluðu um að bikarinn væri kominn heim. Í Búðardal það er að segja.
„Einn úr liðinu er þaðan. Við elskum Búðardal,“ svarar Sverrir að bragði þegar hann er beðinn um að útskýra þessa tengingu betur.
Úrslitakvöld deildarinnar markaði endalok sprellfjörugs og vel heppnaðs keppnistímabils í deildum Rafíþróttasambands Íslands og rétt eins og undanfarin úrslitakvöld var gleðin við völd þegar Dota 2-samfélagið notaði tækifærið, kom saman í raunheimum, skemmti sér og hitti jafnvel, eins og Sverrir, suma félaga sína í fyrsta skipti.
Aleksander Mojsa (Mojsla) sá um veislustjórn og eins og meðfylgjandi myndir bera með sér hélt hann fjörinu gangandi langt fram eftir kvöldi í gegnum verðlaunaafhendingar og annað sem tilheyrir uppskeruhátíðum af þessu kalíberi.
Tengdar fréttir
Rafíþróttir á Íslandi
MDE tekur fyrir mál Gráa hersins
Grænlendingar stígi í átt að sjálfstæði
Jón Gunnarsson aftur á leið inn á þing
Tóku bæ á stærð við Reykjanesbæ á sitt vald
Tár féllu á þingflokksfundi
Tekur ekki ákvörðun á þessum tímapunkti
Hefði komið meira á óvart hefði hann tekið slaginn