Spænski ökuþórinn Carlos Sainz hjá Ferrari er með botnlangabólgu og þarf af þeim sökum að gangast undir skurðaðgerð.
Því getur hann ekki tekið þátt í kappakstrinum í Sádi-Arabíu í Formúlu 1, sem fer fram um helgina.
Varaökumaður Ferrari, táningurinn Oliver Bearman, mun taka sæti Sainz í kappakstrinum.
Bearman er 18 ára Breti sem hefur unnið sig upp metorðastigann undanfarin ár og keppt í Formúlu 2, 3 og 4.
Verður þetta í fyrsta sinn sem hann keppir í Formúlu 1.