Piastri á pól í sprettkeppni helgarinnar

Oscar Piastri, ökuþór McLaren, verður á ráspól í sprettkeppni helgarinnar í Sao Paulo kappakstrinum sem fer fram í Brasilíu þessa helgina.

Piastri var 0.029 sekúndum á undan liðsfélaga sínum hjá McLaren, Lando Norris, sem þýðir að það verður appelsínugul fremsta ráslína í sprettkeppninni í dag.

Charles Leclerc hjá Ferrari varð þriðji og heimsmeistarinn Max Verstappen fjórði.

Baráttan um heimsmeistaratitilinn er hörð en Max Verstappen er efstur með 362, 47 stigum á undan Norris sem er næstur með 315 stig. Þá er Charles Leclerc ennþá inni í myndinni með 291 stig í þriðja sæti.

Sprettkeppnin fer fram í dag sem og tímatökur fyrir kappakstur morgundagsins.

• Blogga um frétt