„Mér finnst ég skulda sjálfum mér það að vera í fríi,“ sagði knattspyrnumaðurinn fyrrverandi Ásgeir Börkur Ásgeirsson í Dagmálum.
Ásgeir Börkur, sem er 37 ára gamall, lagði skóna á hilluna eftir síðasta keppnistímabil en hann er hvað þekktastur fyrir tíma sinn með uppeldisfélagi sínu Fylki og var á meðal litríkustu karakteranna í íslenska boltanum lengi vel.
Alls lék hann 196 leiki í efstu deild og þá lék hann einnig sem atvinnumaður í Noregi og Svíþjóð á leikmannaferlinum.
„Ég er fyrst og fremst að njóta þess að vera faðir og fjölskyldumaður í dag,“ sagði Ásgeir Börkur.
„Ég er með tvo unga drengi og ég vil vera til staðar fyrir þá og sjá þá vaxa og dafna,“ sagði Ásgeir Börkur meðal annars.