Norska knattspyrnufélagið Strömsgodset hefur hafnað tilboði belgíska félagsins Kortrijk í Loga Tómasson.
Tilboðið hljóðaði upp á átta til níu milljónir norskra króna, sem er á bilinu 106 til 119 milljónir íslenskra króna.
Stian André de Wahl, íþróttafréttamaður hjá Nettavisen, greindi frá á X-aðgangi sínum.
Þar segir að Kortrijk, sem Freyr Alexandersson þjálfar, sé nú að íhuga hvort félagið leggi fram nýtt tilboð í vinstri bakvörðinn öfluga.
Logi hefur einnig getið sér gott orð í íslenska tónlistarheiminum þar sem hann gengur undir nafninu Luigi.
Strømsgodset har avslått et første bud fra Kortrijk på Logi Tomasson (23) på 8-9 mill. kr. Den belgiske klubben vurderer ytterligere bud på den islandske venstrebacken. pic.twitter.com/vgMS3NqEDZ
— Stian André de Wahl (@StianWahl) June 19, 2024