Kominn aftur en fer ekki í landsliðsverkefnið

Martin Ödegaard verður ekki með norska landsliðinu í leikjunum tveimur gegn Slóveníu og Kasakstan í B-deild Þjóðadeildar Evrópu í knattspyrnu um miðjan nóvember. 

Ödegaard, sem er fyrirliði Arsenal og norska landsliðsins, sneri til baka á æfingar með Lundúnaliðinu í dag og gæti tekið þátt í leik Arsenal gegn Inter Mílanó í deildarkeppni Meistaradeildarinnar annað kvöld. 

Hann var hins vegar ekki valinn í norska landsliðshópinn. 

„Ég tala við Martin á hverjum degi, við útilokum hann ekki alveg en hann verður að vera reiðubúinn. Eins og er getur hann ekki verið með,“ sagði Ståle Solbakken á blaðamannafundi í dag. 

Frétt af mbl.is

Miklar gleðifréttir fyrir Arsenal

Ekki síður mikilvægt fyrir Noreg

Ödegaard er búinn að vera frá í rúma tvo mánuði en hann meiddist í landsleik með Noregi í september. 

Arsenal hefur saknað fyrirliða síns mikið en liðið hefur aðeins unnið eitt af síðustu níu stigum í deildinni og er sjö stigum á eftir toppliði Liverpool. 

Hins vegar eru leikir Noregs gegn Slóveníu og Kasakstan einkum mikilvægir. 

Norska liðið er með sjö stig í Þjóðadeildinni, jafnmörg og Austurríki og Slóvenía og tryggir sér annað af efstu tveimur sætum riðilsins með því að vinna síðustu tvo leikina. 

• Blogga um frétt