Jónatan semur við Norrköping
Setja bókamerki
Jónatan Guðni Arnarsson hefur skrifað undir fjögurra ára samning við sænska félagið Norrköping en liðið leikur í efstu deild í sænska fótboltanum.
Jónatan hefur verið keyptur til Norrköping frá uppeldisfélagi sínu Fjölni. Þar hefur hann komið inn í meistaraflokkinn á undanförnum tveimur árum og skorað tvö mörk í 20 leikjum Grafarvogsliðsins í 1. deildinni. Þá á hann að baki níu leiki með yngri landsliðum Íslands.
„Jónatan fór í haust tvívegis til reynslu hjá sænska liðinu og stóð sig frábærlega vel og því ekki furða að þeir hafi nælt sér í þennan magnaða leikann og frábæra dreng. Til hamingju Jónatan með nýju vegferðina og til hamingju með 18 ára afmælisdaginn,“ segir í tilkynningu Fjölnis en Jónatan fagnar einmitt 18 ára afmæli sínu í dag.
Jónatan verður þriðji Íslendingurinn á mála hjá Norrköping en fyrir eru þar þeir Arnór Ingvi Traustason og Ísak Andri Sigurgeirsson. Þá er Magni Fannberg yfirmaður íþróttamála hjá Norrköping.
Ekki sérstaklega bjartsýn fyrir fund dagsins
„Ljóst mál að fólk mætir í vinnuna á morgun“
Styrkjamálið á borð þingnefndar
Fátt nýtt í stefnuræðu Kristrúnar
Telur dóminn ekki hafa áhrif á viðræður
Talaði um Guð, djöfulinn og Jesú við handtöku
Alfreð Erling tjáir sig ekki frekar í morðmáli