Wayne Rooney, markahæsti leikmaðurinn í sögu Manchester United og fyrrverandi markahæsti leikmaður enska landsliðsins í fótbolta, er kominn með nýtt starf.
Rooney var rekinn sem stjóri enska B-deildarliðsins Plymouth á dögunum en þar á undan stýrði hann Birmingham, DC United og Derby.
Hann er nú kominn með nýtt starf hjá Amazon Prime-sjónvarpsstöðinni, þar sem hann verður álitsgjafi í kringum Meistaradeildarleiki. Hann hefur áður verið álitsgjafi hjá TNT, Sky og BBC.