Útilokaði Arnór og stökk frá borði

John Eustace hefur verið ráðinn knattspyrnustjóri Derby County, sem leikur í ensku B-deildinni. Kemur hann frá Blackburn Rovers, þar sem eitt af síðustu verkum hans var að taka Arnór Sigurðsson af leikmannalistanum fyrir síðari hluta tímabilsins.

Það gerði Eustace í síðustu viku, sem þýðir að Arnór getur ekkert spilað með Blackburn í B-deildinni það sem eftir lifir tímabils.

Frétt af mbl.is

Ósætti með manninn sem fór illa með Arnór

Frétt af mbl.is

Skagamaðurinn tekinn af leikmannalistanum

Eustace fékk leyfi til að ræða við Derby fyrr í vikunni og tilkynnti félagið í dag að hann hafi skrifað undir samning sem gildir til sumarsins 2028.

Ákvörðun Eustace vekur nokkra athygli þar sem Blackburn er í harðri baráttu um að komast upp í úrvalsdeildina, er í fimmta sæti B-deildarinnar sem er umspilssæti.

Á meðan er Derby í harðri fallbaráttu í 21. sæti af 24 liðum og einungis fyrir ofan fallsvæðið á markatölu. Eustace lauk leikmannaferli sínum hjá Derby fyrir áratug og lék 62 mótsleiki fyrir félagið.

• Blogga um frétt